Այսօր ընդունված է մանկական միջոցներին մուլհերոսներ հրավիրել՝ երեխաների ուրախ ժամանցն ապահովելու համար: Շատ հաճախ ծնողներն ընկնում են մտատանջության մեջ՝ դժվարանալով ընտրության հարցում:
Փորձենք մի փոքր օգնել՝ ներկայացնելով, թե ո՛ր տարիքի երեխաների համար ինչ մուլտհերոսներ կարելի է պատվիրել:
Եվ այսպես, նախքան մուլտֆիլմերի հերոսներին հրավիրելը, երեխայի տոնը պլանավորելիս պարզեք (եթե դեռ հստակ չգիտեք կամ կասկածում եք), թե ով է նրա սիրելի մուլտհերոսը: Որոշ ժամանակ ուշադրություն դարձրեք, թե երեխան որ մուլտֆիլմերն է հատկապես սիրում, ինչ է խաղում, ինչ կերպարների մասին է խոսում։ Սա կարևոր է, քանի որ մեր օրերում ամեն ինչ շատ արագ է փոխվում: Հնարավոր է՝ այսօր Ձեր տղան սիրում է ասպետներ կամ տիեզերական ճանապարհորդություններ, իսկ վաղը արդեն հիանում է հսկա ռոբոտներով: Աղջիկների դեպքում նույնպես ամեն ինչ պարզ չէ։ Գուցե շատ աղջիկների դուր են գալիս արքայադուստրերը, գեղեցիկ հանդերձանքը և պարերը, իսկ ոմանց՝ ծաղրածուները կամ, օրինակ, տարբեր մասնագիտություններով կերպարները:
Այս իսկ պատճառով, մանկական տոնը պլանավորելիս ճիշտ կլինի հարցնել երեխային, թե ինչ հերոսներ կցանկանա տեսնել իր տոնին:
Մանկական հերոսներ պատվիրելու հարցում շատ կարևոր է նաև հաշվի առնել երեխայի տարիքը
Երեքից հինգ տարեկանում երեխաները հաճույքով զվարճանում են ցանկացած ժամանցային խաղով, ուստի կարող եք պատվիրել ցանկացած մուլտհերոս: Բայց այս տարիքում երեխաները երկար ժամանակով չեն կենտրոնանում մի բանի վրա, և պետք է ընտրել կարճ համարներով ժամանցային ծրագրեր: Այս տարիքի երեխաների համար հիանալի տարբերակ են ծաղրածուները, իրական չափսի մուլտ հերոսները հայտնի մուլտֆիլմից կամ հեքիաթից (օրինակ՝ հեքիաթի հերոսներ արքայադուստրը, նապաստակը կամ մինիոնները):
Հինգից յոթ տարեկան երեխաներն արդեն ընկալում են իրականությունը և հեշտությամբ տարբերում են ծպտված չափահասներին: Եվ քանի որ այս տարիքում երեխաները շատ ակտիվ են, ճիշտ մոտեցումը կլինի ծաղրածուների կամ այլ մուլտհերոսների ոչ թե զուտ ներկայությունը, այլ նրանց կողմից առաջարկվող խաղերը կամ մրցույթները։
Յոթից ինը տարեկան երեխաների համար մուլտհերոսների վարձույթի ժամանակ ցանկալի է պայմանավորվել նաև ժամանցային ծրագրի շուրջ: Լավ կլինի ընտրել այնպիսի ծրագիր, որտեղ շեշտը կդրվի ոչ թե անհատական առաջադրանքների, այլ թիմային մրցումների վրա:
Եթե ծննդյան տարեդարձին կամ մանկական այլ տոնական արարողությանը տարբեր տարիքի երեխաներ են մասնակցում, ապա պետք է մտածել, թե ո՛ր մուլտհերոսներին է պետք պատվիրել, որպեսզի ծրագիրը հասկանալի ու հետաքրքիր լինի բոլորին։
Երբեմն ավելի լավ է պատվիրել երկու կամ նույնիսկ երեք մուլտհերոսներ (հատկապես, եթե հյուրերի թիվը մեծ է), որպեսզի ծրագրի կազմակերպիչները կարողանան ուշադրություն դարձնել բոլոր երեխաներին և արդյունավետ կազմակերպեն հավաքույթի ընթացքը:
Դե ինչ, հուսով ենք մեր խորհուրդներն օգտակար կլինեն Ձեզ՝ կողմնորոշվելու ընտրության հարցում:
Իսկ վերջում ավելացնենք, որ մենք տրամադրում ենք վարձույթով մուլտհերոսներ և ունենք ժամանցային ծրագրերի կազմակերպման հարուստ փորձ:
Կապվե՛ք մեզ հետ անհրաժեշտության դեպքում, և մենք սիրով կքննարկենք Ձեզ հետ բոլոր մանրամասներն ու կընտրենք ամենաարդյունավետ տարբերակը:
