Դուք երբեք չեք ունենա առաջին տպավորություն թողնելու երկրորդ հնարավորությունը:
Առաջին տպավորությունը կարևոր է թե՛ անձնական ու թե՛ գործնական հարաբերություններում: Տանը թե աշխատավայրում, մտերիմներին թե գործընկերներին դիմավորելիս կարևոր է, թե ինչպես եք ընդունում՝ դիմավորում նրանց հատկապես տոների, միջոցառումների օրերին:
Այսօր բավական ընդունված է դարձել միջոցառումների կամ բացման արարողությունների ժամանակ մուտքերի ձևավորումը: Ծնունդի, կնունքի կամ այլ ընտանեկան տոների ժամանակ սովորաբար ձևավորվում է սրահը, երբեմն էլ՝ տան կամ սրահի բակը: Այս դեպքերում ձևավորման ամենատարածված տարբերակներից են փուչիկներով ձևավորումները:
Բացման արարողությունների դեպքում սովորաբար ձևավորվում է ոչ միայն շինության մուտքը, այլև նախասրահը: Ավանդական են դարձել մուտքերի ձևավորումը փուչիկներով, ընկերության լոգոյի եռաչափ մոդելներով ու խորհրդանշական դեկորներով:
Կորպորատիվ միջոցառումների, բանկետների ժամանակ ձևավորվում է միջոցառման սրահը և այլն: Օգտագործվում են փուչիկներ, ընկերության իմիջը խորհրդանշող գույներով ժապավեններ և այլն:
Մեր փորձառու թիմը կարող է օգնել Ձեզ ցանկացած միջոցառման ձևավորման հարցում: Դրա համար անհրաժեշտ է ուղղակի կապվել մեզ հետ զանգով, նամակով կամ Ձեր նախընտրած այլ եղանակով:
