Ու հնչեց զանգը, հնչեց,
Ու հնչեց վերջին անգամ՝
Վերջին ծաղիկներով,
Մի քիչ թաց աչքերով…
Եթե դուք էլ կարդացիք երգելով, ուրեմն հաստատ պատրաստվել կամ պատրաստվում եք վերջին զանգի հանդիսավոր ու հուզումնալից արարողությանը:
Վերջին զանգը մեծ իրադարձություն է ոչ միայն շրջանավարտների, այլև նրանց շրջապատող բոլոր-բոլորի համար՝ ուսուցիչներ և դպրոցի աշխատակազմ, ծնողներ, մոտ բարեկամներ և ընկերներ:
Վերջին զանգի նախապատրաստական աշխատանքներն սկսվում են բավական վաղ՝ ամեն ինչ տեղը-տեղին ու ճիշտ ժամանակին հասցնելու համար: Բոլորը ցանկանում են մաս ու բաժին ունենալ նախապատրաստական աշխատանքներում և մասնակցել տոնական եռուզեռին: Մեկը վերջին զանգի խոսքեր է գրում ու սցենար կազմում, մյուսը՝ հագուստի պատվերների հարցերը կազմակերպում, մեկ ուրիշը մաղթանքներ գրում… Salooote.am-ի թիմը նույնպես ամեն տարի պատրաստվում է վերջին զանգին՝ առաջարկելով իր ծառայությունները:
Վերջին զանգի բեմի ձևավորում
Վերջին զանգի բեմի ձևավորման հարցում ձեզ սիրով կօգնի մեր թիմը՝ գործի դնելով անսպառ երևակայությունն ու տարիների փորձը: Ձեր նախասիրությունների հիման վրա մենք կստանանք վերջին զանգի լավագույն ձևավորումը: Զանգեր, թեմատիկ դեկորներ, ճաշակով ընտրված գույներ, ձևավորում փուչիկներով, և տոնական միջավայրն ապահովված է:
Վերջին զանգի տորթեր
Այո՜, ինչպե՞ս կարելի է մոռանալ տոնական ամենակարևոր ու համեղ բաղադրիչի՝ վերջին զանգի տորթերի մասին: Թարմ, համեղ տորթերը մենք պատրաստում ենք ձեր նախընտրած դիզայնով, համերով, չափսերով: Ձեզ մնում է ընդամենը կապվել մեզ հետ՝ նշելով մանրամասները:
Վերջին զանգի մաղթանքներով նվերներ
Մաղթանքները նույնպես չենք մոռանում… դասընկերներին, դասղեկներին, շրջանավարտներին ուղղված մաղթանքները կարող են ավելի տպավորիչ լինել ու հիշվել երկար ժամանակ, եթե լինեն ավելի առարկայական՝ նվերների տեսքով: Այս հարցում նույնպես մենք ձեզ համար առաջարկներ ունենք: Պարզապես ընտրե՛ք մաղթանքով նվերի տեսակը՝ խոսող գինիներ, երգող նկարներ, բաժակներ կամ ծաղկեփնջեր, և ձեր մաղթանքը դեռ շա՜տ երկար կպահպանվի հասցեատիրոջ հուշերում:
Դե ինչ, դիմե՜ք մեզ, եթե ունեք մեր ծառայությունների կարիքը, և մենք սիրով կթեթևացնենք ձեր հոգսերը: Իսկ ձեզ մաղթում ենք ուրախ տոնական տրամադրություն և շարունակական հաջողություններ կյանքի այն նոր ու պատասխանատու փուլում, որտեղ ոտք եք դնելու ընդամենը մի քանի օրից…
