Ինչպե՞ս ընտրել տոնական տորթ

Ինչ միջոցառում էլ լինի՝ ծնունդ, կնունք, ատամհատիկ, նշանդրեք թե հարսանիք, բոլորն անհամբեր սպասում են տոնական տորթը կտրելու պահին: Տոնական տորթերն այդ պատվին արժանացել են շքեղ ու խորհրդանշական ձևավորման շնորհիվ, իսկ թարմ և համեղ լինելը պարզապես պարտադիր է: Ներկայացնենք մի քանի խորհուրդ, թե ինչ է պետք հաշվի առնել տոնական տորթեր ընտրելիս:

ԾՆՆԴՅԱՆ ՏՈՐԹԵՐ

Ոչ մի հոբելյան տոնի չի վերածվում առանց գեղեցիկ, թեմատիկ ու ինչու ոչ՝ շքեղ տորթի: Ծննդյան տոնի հիմնական խորհրդանիշը հոբելյարի տարիքին համապատասխան թվով մոմերով զարդարված տորթն է։ Մոմերով ծննդյան տորթի ավանդույթը մեզ հասել է հույներից. նրանք լուսնի աստվածուհուն՝ Արտեմիսին նվեր էին տանում լուսինը ներկայացնող կլոր տորթ և զարդարում այն մոմերով՝ լուսնին «փայլ» հաղորդելու համար։

Մեր օրերում, սակայն, մոմազարդ կլոր տորթերին փոխարինելու են եկել բազմազան տորթերը, որոնք կարող են ունենալ տարբեր ձևեր ու գույներ, զարդարված լինել տարբեր դեկորներով՝ կախված հոբելյարի սեռից, տարիքից ու նախասիրություններից:

Մանկական հոբելյանական տորթերը սովորաբար ունենում են վառ գունավորություն, զարդարված են լինում տիկնիկներով, մուլտհերոսներով կամ կենդանիներով: Ընդ որում աղջիկների ծննդյան տորթերի դեպքում տարածված են տիկնիկներն ու վարդագույն երանգավորումը, իսկ տղաները նախընտրում են ֆուտբոլային, ավտոմոբիլային խորհրդանիշերով՝ տղամարդկանց տորթեր:

Երիտասարդ աղջիկների հոբելյանական տորթերն ավելի նուրբ ու ռոմանտիկ դրսևորումներ ունեն: Նուրբ, եթերային գույներ ու դեկորներ, թեթև կրեմներ ու մրգեր՝ ահա թե ինչն է ավելի բնորոշ: Տղաների դեպքում հաճախ են պատվիրում փող կամ մասնագիտություն խորհրդանշող տորթեր: Իսկ ա՛յ, մեծահասակների հոբելյանական տորթերին հաճախ կարելի է հանդիպել հոբելյարի տարիքը խորհրդանշող դեկորներ:

ԱՄԱՆՈՐՅԱ ՏՈՐԹԵՐ

Հիշո՞ւմ եք մեր մանկության Ամանորը, երբ սեղանը զարդարում էին մայրիկների ու տատիկների թխած գաթաներն ու շերտավոր խմորեղենը: Այդ ամենը շատ համեղ է ու արդիական նաև այսօր, սակայն վերջին տարիներին Ամանորյա դասական մեղրով տորթին, նապոլենին ու փախլավային լրացնելու են գալիս ամանորյա գեղեցիկ, թեմատիկ զարդարանքով տորթերը:

Նոր տարվա տոնական սեղանի զարդարանքը լիարժեք կարող է դառնալ գեղեցիկ ու յուրահատուկ ամանորյա տորթերի շնորհիվ: Թե՛ երեխաները, թե՛ մեծերը սիրով կսպասեն տոնական դիզայնով, թարմ ու համեղ ամանորյա տորթերին և հաճույքով կվայելեն տոնական քաղցրավենիքը:

Եղևնիներ և ձյան փաթիլներ, Ձմեռ պապ կամ Սանտա Կլաուս, Ձյունանուշ կամ եղնիկներ, տոնածառի խաղալիքներ կամ պարզապես շնորհավորանքի խոսքեր. այս ամենը կարող եք պատվիրել տորթի տեսքով: Ամանորյա տորթի դիզայնը կարելի է պատվիրել առկա տեսականուց կամ էլ Ձեր նախընտրած տարբերակով: Ինչ խոսք, դիզայնից բացի բոլորս էլ կարևորում ենք համը, ուստի կարևոր է ընտրել տորթի թե՛ բիսկվիթի տեսակը, թե՛ կրեմներն ու միջուկի այլ բաղադրիչները:

ՀԱՐՍԱՆԵԿԱՆ ՏՈՐԹԵՐ

Հարսանեկան արարողությունն անհնար է պատկերացնել առանց տորթի։ Յուրահատուկ ու խորհրդանշական ձևավորումով համեղ տորթը զարդարում և անմոռանալի է դարձնում այդ կարևոր իրադարձությունը: Դժվար թե գտնվի մարդ, որը կհրաժարվի գեղեցիկ ու համեղ տորթի իր բաժնից: Իսկ որպեսզի տորթը դառնա միջոցառման զարդը և հյուրերին ուրախացնի ոչ միայն տեսքով, այլև համով, պետք է ճիշտ ընտրություն կատարել հմուտ մասնագետի օգնությամբ։

Նախ՝ հարկավոր է հաշվի առնել նորապսակների ճաշակն ու ցանկությունները: Կարևոր է նաև, թե տարվա որ եղանակին է տեղի ունենալու հարսանեկան արարողությունը, որքան հյուրեր են լինելու: Այս ամենից ելնելով էլ որոշվում է հարսանեկան տորթի թե՛ դիզայնն ու չափսը, թե՛ միջուկն ու համային համադրությունները:

Իհարկե, տոնական տորթերի տեսականին այսքանով չի սահմանափակվում: Մեր թիմը մասնագիտացած է միջոցառումների կազմակերպման հարցում և պատրաստ է ապահովելու այն ամենը, ինչ անհրաժեշտ է Ձեր տոնն անկրկնելի դարձնելու համար: Մենք միշտ պատրաստ ենք օգնելու և սիրով կտրամադրենք մանրամասն խորհրդատվություն տոնական տորթերի ընտրության վերաբերյալ: