Նախքան մուլտհերոսներ պատվիրելը…

Այսօր ընդունված է մանկական միջոցառումներին մուլտհերոսներ հրավիրել՝ երեխաների ուրախ ժամանցն ապահովելու համար: Շատ հաճախ ծնողներն ընկնում են մտատանջության մեջ՝ դժվարանալով ընտրության հարցում:

Ճանաչե՛ք երեխայի սիրելի հերոսին

Նախքան մուլտֆիլմերի հերոսներին հրավիրելը, երեխայի տոնը պլանավորելիս պարզեք, թե ով է նրա սիրելի մուլտհերոսը: Որոշ ժամանակ ուշադրություն դարձրեք, թե երեխան որ մուլտֆիլմերն է հատկապես սիրում, ինչ է խաղում, ինչ կերպարների մասին է խոսում։ Հնարավոր է՝ այսօր Ձեր տղան սիրում է ասպետներ կամ տիեզերական ճանապարհորդություններ, իսկ վաղը արդեն հիանում է հսկա ռոբոտներով: Աղջիկների դեպքում նույնպես ամեն ինչ պարզ չէ։

Այս իսկ պատճառով, մանկական տոնը պլանավորելիս ճիշտ կլինի հարցնել երեխային, թե ինչ հերոսներ կցանկանա տեսնել իր տոնին:

3–5 տարեկան

Երեքից հինգ տարեկանում երեխաները հաճույքով զվարճանում են ցանկացած ժամանցային խաղով, ուստի կարող եք պատվիրել ցանկացած մուլտհերոս: Բայց այս տարիքում երեխաները երկար ժամանակով չեն կենտրոնանում մի բանի վրա, և պետք է ընտրել կարճ համարներով ժամանցային ծրագրեր: Հիանալի տարբերակ են ծաղրածուները, արքայադուստրը, նապաստակը կամ մինիոնները:

5–7 տարեկան

Հինգից յոթ տարեկան երեխաներն արդեն ընկալում են իրականությունը և հեշտությամբ տարբերում են ծպտված չափահասներին: Քանի որ այս տարիքում երեխաները շատ ակտիվ են, ճիշտ մոտեցումը կլինի ոչ թե զուտ ներկայությունը, այլ նրանց կողմից առաջարկվող խաղերը կամ մրցույթները։

7–9 տարեկան

Յոթից ինը տարեկան երեխաների համար ցանկալի է պայմանավորվել նաև ժամանցային ծրագրի շուրջ: Լավ կլինի ընտրել այնպիսի ծրագիր, որտեղ շեշտը կդրվի ոչ թե անհատական առաջադրանքների, այլ թիմային մրցումների վրա:

Տարբեր տարիքի երեխաներ

Եթե ծննդյան տարեդարձին տարբեր տարիքի երեխաներ են մասնակցում, պետք է մտածել, թե ո՛ր մուլտհերոսներին է պետք պատվիրել, որպեսզի ծրագիրը հասկանալի ու հետաքրքիր լինի բոլորին։ Երբեմն ավելի լավ է պատվիրել երկու կամ նույնիսկ երեք մուլտհերոսներ, որպեսզի ծրագրի կազմակերպիչները կարողանան ուշադրություն դարձնել բոլոր երեխաներին:

Մենք տրամադրում ենք վարձույթով մուլտհերոսներ և ունենք ժամանցային ծրագրերի կազմակերպման հարուստ փորձ: Կապվե՛ք մեզ հետ, և մենք սիրով կքննարկենք բոլոր մանրամասները: